– Det er ei høgtid for året, då må du kunne halde deg til naturen, seier Bjørn Vollstad, som nettopp har henta årets gran hjå Sjur Wie i Førde.
Saman med kona Britt svergar dei til tradisjonen med naturlege juletre. Det same gjer fire av fem nordmenn, trass i at salet av plasttre har auka kraftig dei siste åra. For familien Vollstad er det gran som gjeld.
– Eg har prøvd meg eit par gongar med furu, for den står seg betre. Men nei, det er gran som gjeld, seier Vollstad.
- Les også:
- Les også:
Eksporten til utlandet aukar
John Anders Strande er dagleg leiar i Norsk Juletre og har merka seg at fleire har fått auga opp for edelgrana – både i Norge og i utlandet.
– Vi ser ei voldsam auke i interessa for fjelledelgrana. Den har blitt veldig populær dei siste åra og vi merkar ei veldig stor etterspurnad frå utlandet. Problemet er å produsere nok tre, seier han.
- Les også:
- Les også:
Sjur Wie frå Førde har drive juletresal sidan 1979 og han har ikkje merka plasttrea sitt inntog.
– Lukta er ein vesentleg del og at det skal vere eit naturprodukt, det trur eg er viktig for opplevinga av jula, seier han.
Folket svergar til ekte vare
Blant dei vi trefte på gata i Førde er det framleis det gamle tradisjonelle juletreet som gjeldt.
– Vi vil ha ekte vare, som luktar godt, seier ein av dei.
– Eg kjøper gamaldags, slik eg alltid har gjort. Det er noko med lukta og det du har vorte van med, seier ei anna.
Og tilbake i juletreskogen til Sjur Wie kjem kundane rennande inn ei dryg veke før jul. For det er noko spesielt med kortreiste juletre.
– Her kan dei hogge sjølv og det er ekte dagsfersk vare, seier han.