NRK Meny
Normal

Dårleg val, men nesten like mange ordførarar

Høgre gjorde ikkje noko brakval i Sogn og Fjordane. Likevel kapra dei nesten like mange ordførarar som sist.

Ståande applaus frå Sogn og Fjordane Høgre på landsmøtet

APPLAUS: Sogn og Fjordane Høgre gjekk tilbake ved årets kommuneval. Likevel sikra dei seg seks ordførarar – ein mindre enn ved førre val.

Foto: Erlend Blaalid Oldeide / NRK

Partiet gjekk tilbake med over fire prosentpoeng ved kommunevalet i Sogn og Fjordane. Likevel kapra dei berre ein ordførar mindre enn ved førre val.

Fylkesleiar Arve Mjømen trur det årsaka er godt likte høgrekandidatar.

– Dei er funne verdige til å vere ordførarar. Andre vart ordførarar i kraft av røystene, som til dømes i Askvoll, Aurland og Stryn, seier Mjømen.

Avtalebrot

Audun Åge Røys vart partiet sin siste ordførar, då han i går fekk ordførarklubba i Bremanger i hendene. I tillegg har Høgre ordførarane i Førde, Hornindal og Gaular.

I fleire kommunar har forhandlingane vore kontroversielle. Og både i Selje og Bremanger hagla skuldingane om avtalebrot.

– Bremanger har eg forstått at dette er ganske greitt. Ap har på nytt prøvd å lage uorden i rekkjene og soleis gjekk resultatet som det gjorde, seier Mjømen.

– Så det er ikkje Høgre som knuffar seg veg, har spisse olbogar og bryt avtalane?

– Slik eg har lese dei meldingane og pressemeldingar som ligg, så stemmer ikkje det.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.