– Vi veit ikkje kva som er feil, men ein person er på veg for å undersøkje og rette, seier Jens Gjersø i Norkring.
Det er sendaren på Hafstadfjellet som er ute av drift, og kring 18 000 husstandar ligg innanfor signalfeltet der. Det er både riks- og regionnettet for DAB som er nede.
– Eg er optimistisk, og sjølv om vi ikkje veit kor lang tid det tek å rette feilen, så håpar eg det er gjort til klokka 9, seier Gjersø.
FM-nettet skal fungere som normalt, men ein kan oppleve at det er signala frå NRK Hordaland slår inn på grunn av problema i nettet.