NRK Meny
Normal

Comeback for Funkarlaget

På Glopperock i sommar spelar Honndalen Soul & Funkarlag saman for første gong på åtte år. Det gler dei seg til.

Rasmes Kaare
Foto: Øystein Windstad / NRK

- Det er tøffe tider i landbruket, og me kjenner oss nøydde til å spe på med inntekter frå andre ting, seier Rasmes Kaare. Han er musikalsk leiar og dirigent for Honndalen Soul og Funkarlag.

Honndalen Soul & Funkarlag har ikkje spelt i lag sidan 1998. I åra før det hadde dei ifølgje Rasmes Kaare ei intensiv turnéverksemd med konsertar både på Eid, på Hellesylt og i Volda. Dette førte til at dei måtte leggja noko av gardsdrifta på hylla. I nokre år no har dei derfor sett seg nøydde til å konsentrera seg mest om garden.

- Men no set me mjølkeanlegget på automat og så legg me ut på vegen igjen, seier Rasmes Kaare, som seier at Funkarlaget gler seg voldsomt til konserten på Glopperock.

- Betyr dette at Honndalen Soul & Funkarlag oppstår på ny?

- Førebels har me ikkje fleire planar enn akkurat denne konserten, men me får sjå.

Juks å øva

Den musikalske leiaren seier at dei ikkje har begynt å førebu seg til konserten enno

- Me har ei haldning om at det er juks å øva. Øvar me så vil me dessutan begynna å grua oss voldsomt. Men me skal iallefall samlast og sjå litt på gitarane.

Historia til Funkarlaget går heilt tilbake til 1986, då dei starta opp for med eigne ord å "støtta bondestanden moralsk og reint musikalsk". I 1989 deltok bandet på Glopperock, og etter dette fekk dei utgje ein singel med låtane Siloen min og Landbruksmedley. Dei har hatt mange speleoppdrag rundt om i fylket, og hausten 1995 ga bandet ut si einaste plate Bak ei hes.

 

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.