Cirkus Agora startar opp utan dyr

Sirkuset som gjekk konkurs i november , er i gang igjen. Og det som eit reindyrka artistsirkus.

- Vi skal køyre med eit heilt nytt konsept. Nemlig nysirkus med den klassiske sirkussjela, seier direktør i Cirkus Agora , Jan Ketil Smørdal til NRK.

- Vanskeleg avgjer

Planane om comebacket vart måndag lansert under ein pressekonferanse i Oslo. Sirkusdirektøren frå Eid sat side om side med Siri Marthnsen frå dyrevernorganisasjonen NOAH. I april i fjor avlyste ein dyrevernaktivist ei av Agora sine framsyningar i Lærdal.

- Vi skal ikkje ha dyr i det heile. Det var ei vanskeleg avgjer å ta. Eg er ein ekte "klassisk sirkushest" som har opptredd med ville dyr. Det var vanskeleg å droppe hesten, seier Smørdal til NRK.

- Vi skal klare det

Det er første gang at eit sirkus satsar kun og blott på artistunderhaldning under teltkuppelen. Årets førestilling har eit budsjett på 11-12 millionar kroner. Premierestaden blir Drammen.

- Ingen trur at det vil vere mogleg å vise sirkus utan dyr. Men vi skal klare å overbevise publikum om at det går an. Det som let seg gjere i store sirkusland ute i Europa, går også an å gjere her heime, seier marknadssjef Jørn Kvist til NTB.

- Veldig populært

- Det er veldig populært og eg trur folk vil kjøpe det. Det fungerer i andre land og då tykkjer eg at det er på sin plass at også Norge skal få ta del i dette, seier Smørdal til NRK.

Dyrevernorganisasjonen NOAH gler seg og meiner at tida for dyresirkus er ute.

Verdsstjerner

I botn for Cirkus Agora sine nye førestillingar ligg artistar frå det verdsskjende canadiske artistsirkuset Cirque de Soleil. Det blir også norske artistar i manesjen.

Ovanfor NTB trekkjer Kvist fram 19 år gamle Veronica Ljones frå Fredrikstad. Ho har vore elev ved Smørdal sin sirkusskule og blir presentert som sirkuset si eiga sirkusprinsesse.