Ingen personar var inne i huset då det brann, men kvinna i 70-åra som budde der var likevel prega av hendinga.
– Ho vart teken hand om av helsepersonell, men skal ikkje vere skadd, seier Frode Kolltveit, ved politiet sin operasjonssentral.
Totalskadd
Huset er totalskadd i brannen, og delar av taket raste saman. Brannvesenet fekk sløkt flammane like over klokka 18, men det blussa som smått opp igjen etterpå.
– Vi driv difor ettersløkking, og vil halde på utover kvelden, seier Frode Eide, ved Alarmsentralen i Florø.
Tre brannbilar
Det var stor røykutvikling då naudetatane rykka ut til brannen. Tre brannbilar med brannmannskap frå både Leikanger og Sogndal bidrog i sløkkingsarbeidet.
Alarmsentralen opplyste tidleg at brannen var kraftig, og røykdykkarar gjekk også inn i huset. Det var ikkje eksplosjonsfare, og brannen spreidde seg ikkje til hus i nærleiken.
Politiet veit førebels ikkje årsaka til brannen.
STORE STYRKAR: Brannmannskap frå Sogndal og Leikanger deltar i sløkkingsarbeidet.
Foto: NRK-TIPSAR
