Bur seg på kronprinsbesøk

– Det betyr svært mykje for oss som mueseum at kronprinsen kjem, men også for Fjærland, seier John Brekke, som er direktør for Bremuseet.

Det er altså 25 år sidan dronning Sonja stod for den offisielle opninga av Norsk Bremuseum. Fredag markerer Bremuseet jubileet, men det er altså kronprinsen som denne gongen tek turen til brebygda for å vera til stades under markeringa.

– Det er ekstra hyggeleg at vi har ein kronprins som er genuint oppteken av natur og distrikta våre, så dette gler vi oss til, seier Brekke.

• Les også: Slik vil dei gjere museum til noko morosamt

Planlagt minutt for minutt

Når kronprinsen kjem på besøk er ingenting overlate til tilfeldigheitene. Besøket er planlagt ned til minste detalj.

– Her er det planlag minutt for minutt, men vi har mange gode folk involvert så dette skal nok gå bra.

• Les også: Mammutar skal lokke folk til bremuseet i Fjærland

Med tanke på at det meste av feiringa ferdag er planlagt utandørs har museumsdirektøren vore ein flittig brukar vêrtenesta Yr dei siste dagane.

– Vi har kikka kvar einaste dag, og fleire gonger kvar dag. Det er kjekt at det no ser bra ut, så vi kryssar fingrane for at ingen ting skal skje.

Besøkande frå heile verda

Når kronprinsen kjem til Fjærland fredag, står Brekke klar til å ta han med på ei omvisinga i dei særmerkte lokala, som er teikna av den kjende arkitekten Sverre Fehn. Sidan opninga i 1991 har det vore ei stor utvikling i korleis Bremuseet presentere seg for publikum.

• Les også: Milliongåve til bremuseet

– Det har vore ei stor utvikling, men det som er viktig er at det bygger på dei same prinsippa om interaktivitet. Slik sett har Bremuseet vore forut for si tid, og vi ser at det er det som skal til for å trekke til seg besøkande, seier Brekke.