Pengane kjem frå innsamlingar og gåver til aksjonen. Leiar Svein Hansen har ingen problem med å forsvare pengebruken.
– Det må eg seie i høgste grad. Det vi snakkar om her er først og fremst eit vere eller ikkje vere for Nordfjord og helsetilbodet der, seier han.
Dokumentere fakta
Det er i sjukehusaksjonen i Nordfjord sin rekneskap det kjem fram at aksjonistane i fjor hadde 252 575 kroner i advokatutgifter.
Pengane har gått med til å framskaffe fakta, men også til å gje juridisk bistand til tilsette i helseføretaket.
- LES OGSÅ: Framleis uvisse om sjukehusrekninga
– Det har vore eit møysommeleg arbeid å byggje opp og dokumentere fakta. Vi forlanger same tilbod som dei andre i landet, så får vi sjå korleis det vil gå, seier Hansen.
– Ikkje i tråd med vedtak
For advokatane kan også få meir å gjere i framtida. Denne veka har sjukehusaksjonen varsla søksmål mot Helse Førde, og seier dei vil gå rettens veg for å stogge nedleggingsplanane ved Nordfjord sjukehus.
- LES OGSÅ: Ortopedien forsvinn raskare
– Pengane kjem frå innsamla midlar og bruker til å sette advokat på vedtaka som er gjort i Helse Førde og regjeringa, som mange meiner er demokratiske og ordentleg fatta. Er dette rette måten å gjere det på?
– Ja, det meiner ikkje berre eg men eit samla styre i sjukehusaksjonen, at her har det føregått ting som ikkje er i tråd med verken forvaltning eller det som Stortinget og Regjeringa har vedteke. Så får det bli opp til andre å dømme om det er rett det som vi har hevda, seier han.
