– I år har det vore ei utfordring, for det har vore så mykje snø på fjellet, forklarer Marianne Bøthun i Norsk Landbruksrådgiving.
Snøen på fjellet gjer at hjortane ikkje finn mat der. Derfor stel dei frukt frå bøndene på Vangsnes.
– Dei går til duk og dekka bord og kan gjera utruleg mykje skada i planta felt, legg Bøthun til.
Fruktbonden Eivind Lidal bestemt seg for å gjera noko med problemet. Då han planta seg ein eplehage for om lag to år sidan, sette han opp eit hjortegjerde rundt. Slike gjerde er høgare enn andre gjerde.
– Det er berre eit godt hjortegjerde som hjelper, ingenting anna, fastslår Lidal.
- Les også:
Innovasjon Norge sponsar gjerde
– No er me så heldige at Innovasjon Norge har tatt dette hjorteproblemet veldig seriøst, seier Bøthun. Dersom ein lagar nye felt med frukt, kan ein søka om midlar frå Innovasjon Norge. Då vil hjortegjerde også bli sponsa.
– Kva har frukt med innovasjon å gjera?
– Veldig mykje. Me er jo frukt- og bærfylket. Sogn og Fjordane har gått forbi Hordaland i verdiskaping på frukt og bær, og det er me grådig krye over, fortel Bøthun. Til dømes står Sogn og Fjordane for 75 prosent av bringebærproduksjonen i Noreg.
- Les også:
Hjorten visste når bonden la seg
I tillegg til eplehagen, dyrkar fruktbonden Lidal bringebær. På bringebærfeltet hadde han ein tjuv som kom att kvar kveld.
– Når eg slo av lyset om kvelden, så slo dei til, fortel Lidal.
Ein kveld skrudde han av lyset, men han gjekk ikkje for å leggja seg. I staden tok Lidal med seg rifla ut.
– Eg avliva dei i måneskinnet.
Les også: