– Eg hatar brunsniglar. Vi har pinnsvin og boasnigle og det hjelper noko, seier Bendz.
Det er nemleg det nokon gjer feil. Dei hatar sniglar så intenst at dei kvittar seg med alt av sniglar.
Men boasnigelen er din venn i kampen mot brunsnigelen.
– Boasniglen et brunsniglar, så han må du ta godt vare på. Han er stripete med litt flekker på hovudet og vert også kalla leopardsnigle. Og det er ein snigel du vil ha i hagen, seier Bendz.
- Har du eit godt tips til korleis ein kan kvitte seg med brunsniglen? Del det gjerne i kommentarfeltet under.
Vert skremd over eige hat
Viss du både har boasnigel og pinnsvin i hagen, så hjelper det iallfall på, sjølv om du neppe vert heilt kvitt brunsnigelen på den måten.
Bendz likar dårleg åkersnigel også, men brunsniglen har verkeleg vekt kamplysta hennar.
– Eg blir nesten litt skremt over det hatet eg kjenner djupt nede i magen når eg ser desse brunsniglane, seier Bendz.
- LES OGSÅ:
- LES OGSÅ:
Slepper sniglane i bøtte med saltvatn
Når ho ser ein brunsnigel i hagen, fortel ho gladeleg at ho kjenner ei slags hatsk glede.
– Eg tek opp snigelen, slepper han opp i ei bøtte med saltvatn, og så ser eg på korleis ho lid. Det er ganske stygt, seier Bendz.
Som på andre sida har eit barnebarn som ho lærer opp til å bli glad i små kryp, men ikkje brunsniglar.
– Det er ikkje så lett å forstå skilnaden på snille sniglar og slemme sniglar, seier Bendz.
Sjølv er Bendz svært glad for at ho slepp å plukke meir enn eit par sniglar om dagen, og har medynk med dei som har det langt verre.
(Artikkelen held fram under biletet)
Ber naboane om å kjempe saman
For det er hagar rundt omkring som er hardt ramma, der frustrerte hageeigarar må plukke hundrevis av slimete skapningar kvar einaste dag.
Bendz understrekar at dersom nabolag står saman i kampen mot brunsniglen, så er det hakket enklare å verte kvitt det plagsomme dyret.
– Eg og naboen har drivhus mitt i tomtemerket, og så tek vi opp kampen mot brunsniglen i lag. Men det er viktig at alle er med. Er det ti i eit nabolag som tek opp kampen medan den ellevte ikkje gjer det, så kjem ein ikkje så langt, seier Bendz.
- LES OGSÅ:
- LES OGSÅ:
Mild vinter har gitt brunsnigleår
Professor i plantehelse ved Bioforsk på Ås, Arild Andersen, er ekspert på brunsniglar. Han kan stadfeste at det er meir brunsniglar enn vanleg i år.
– Det er tydeleg at det er brunsnigleår. Det er mange som ringjer oss og seier at dei har meir brunsniglar i år enn tidlegare år, seier Andersen.
Han trur førre vinter er noko av forklaringa på at brunsniglane ser ut til å stille sniglesterke i mange hagar.
– Vinteren var ganske mild slik at mange av sniglane overlevde, seier Andersen.
- LES OGSÅ:
- LES OGSÅ:
Ber folk om å droppe saltet
Han har følgjande råd til dei som slit med brunsniglar.
– Vi pleier ikkje å rå folk til å bruke salt. For saltet må på eit eller anna vis tømmast ut i naturen etterpå. Salt er svært lite gunstig for jorda og for planter, seier Andersen.
Han rår folk til å heller dele sniglane i to.
– Med ein spade går det lett å dele dei i to. Då kan du i tillegg bruke dei som eit lokkemiddel slik at du får fleire sniglar du kan ta knekken på, seier Andersen.
Ifølgje Andersen er dette den mest effektive måten å bli kvitt dei på. Ein annan moglegheit er å gjere hagen din mindre attraktiv for sniglar.
– Då må du tenkje på tre ting som sniglane treng, fuktigheit, gøymestader og mat. Du må ha hagen så tørr som mogleg, ta vekk steinmurar eller kompostbinger som dei kan gøyme seg i, samt nytte planter dei likar dårleg som rhododendron og roser, seier Andersen.
- LES OGSÅ:
- LES OGSÅ:
Eit heilt unyttig dyr
Og brunsniglen har svært få nyttige funksjonar i naturen. Faktisk ingen.
– Nei, vi kan vel ikkje seie han er til nytte i naturen. Men han inngår i det vanlege økologiske rundspelet. Han et andre ting og så et andre han att. Men nyttig er han ikkje, seier Andersen, og legg til at vi godt kunne klart oss utan.
Brunsniglen vart første gong påvist i 1988, og vi klarte oss jo fint utan han fram til 1987, for å seie det slik, seier Andersen.
Truleg har snigelen komme med planter og jord som har vorte importert.
- LES OGSÅ: