Foto: Olav Jakob Tveit
Briksdalsbreen kjem til å vekse igjen, og det er godt nytt for reiselivsnæringa i Nordfjord, skriv Bergens Tidende. Etter å ha skrumpa dramatisk dei siste tre-fire åra kjem den verdskjende Briksdalsbreen i år til å byrje å legge på seg igjen. Årsaka er den snørike vinteren.
Rekordtilbakegang i fjor
- Det er målt opptil ni meter djup snø oppe på breen, og sommaren greier neppe å smelte vekk alt. Denne snøtyngda vil føre til at utviklinga vil snu, seier breforskar Atle Nesje. I fjor gjekk Briksdalsbreen tilbake 130 meter, og det er det meste breen har trekt seg tilbake på eitt år.