NRK Meny
Normal

Brannvesenet rykte ut etter melding om bilbrann

Brannvesenet rykte like etter klokka 17 i ettermiddag ut til eit branntilløp i ein bil på E39 i Førde.

Køar på E39 etter bilbrann

KØ: Det danna seg litt kø på begge sider etter at bilen fekk stopp på E39 ved Bekkjavatnet i Førde.

Foto: Roy Raasholm Fauske / NRK

Ifølgje Alarmsentralen oppdaga dei to som var i bilen røyk då dei var på veg opp bakkane frå Førde sentrum i retning mot Langeland. Bilen vart ståande i området ved Bekkjavatnet.

Dei to skal ha kome seg uskadde ut av bilen.

Brannvesenet vart sende til staden, men då dei kom fram var situasjonen under kontroll.

– Det er i motorrommet det har vore tilløp til brann. Det kom røyk, men det har ikkje vore snakk om flammar å sjå, seier vaktleiar Nina Andal ved Alarmsentralen i Florø til NRK.no klokka 18.30.

Det skal ha danna seg køar på begge sider.

Bilen er ikkje køyrbar og måtte fjernast av bilbergar.

Laster kart, vennligst vent...
Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.