NRK Meny
Normal

Brannvesenet jakta på tømmer i fjorden

Kystverket kalla ut brannmannskap til Førdefjorden søndag ettermiddag.

Førdefjorden

INGEN TØMMER: Brannvesenet fann ikkje noko tømmer då dei vart kalla ut søndag ettermiddag.

Foto: privat

Det var tømmer i fjorden som fekk Kystverket til å reagere. Dei ville ha det fjerna, og bad brannvesenet ta jobben.

Fem mann på tømmerjakt

– Vi sende ut vaktlaget med fem mann i båt ut Førdefjorden for å sjå om vi kunne finne noko, seier vaktleiar på alarmsentralen Frode Eide.

Tømmer i fjordane kan vere farleg, og difor ville Kystverket ha fjorden undersøkt.

– Men dei som var ute fann ikkje noko anna enn greiner og kvistar som dei tok med seg, fortel Eide.

Det er mange som tek turen ut i båt i fjorden, og Eide oppmodar folk å vere vaktsame for gjenstandar som kan ligg og flyte.

Kan vere stor fare

– Det utgjer ein store fare for båttrafikken, og det tømmer foreksempel er ikkje noko du vil ha i motoren din, seier han.

Han ber folk som observerer noko i fjorden om å ta kontakt med politiet.

– Om båtfolket ikkje klarer å fjerne det dei ser sjølve, er det viktig at vi får beskjed slik at vi kan rykke ut.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.