– Evalueringsrapporten er som venta. Den er eit bestillingsverk

I rapportane etter brannane i Flatanger, Frøya og Lærdal, samt tunnelbrannen i Gudvangatunnelen, kritiserer DSB måten det lokale brannvesenet jobbar på .

• LES OGSÅ: Her er DSB sin skarpe kritikk mot brannvesenet etter brannane

Brannsjef Hans Petter Haukø i Flatanger meiner rapportane er bestillingsverk for å slå saman brannvesen.

• LES OGSÅ: – Det er klart me ser at det kan vera ein fordel å ha større einingar

– Det å kritisere på eit slikt generelt grunnlag, utan å ha dokumentert påstandane dei kjem med, er heilt hårreisande etter mitt syn, seier han.

– Heilt ekstremt

DSB kritiserer korleis dei lokale brannvesena jobbar og peikar særskilt på dårleg leiing og strategi. Konklusjonen er at større einingar ville takla katastrofane betre.

Det trur ikkje Gaute Johnsgaard, brannsjef i Årdal og Lærdal. I løpet av få månader fekk brannvesenet to store brannar å hanskast med.

• LES OGSÅ: – Ein nasjonal operasjonssentral vil betre beredskapen

Først med vogntogbrann i Gudvangatunnelen, så storbrannen på Lærdalsøyri.

• YTRING: Lærdomen frå Lærdal

– Hendinga i Lærdal var heilt ekstrem. Det var den største brannen som har vore i Norge sidan 1923. Forholda var heilt ekstreme og det vart lagt ned ein formidabel innsats. Det er den som gjer at gamle lærdalsøyri framleis er der, sa han då rapporten kom.

• LES OGSÅ: Brannsjefen i Lærdal: – Nesten ingen, små eller store, kunne planlagd noko slikt

(Artikkelen held fram under biletet)

– Eit bestillingsverk

I ein periode med mange brannar langs kysten , kjempa Haukø og mannskapet hans mot flammane i Flatanger. Det vart den verste storbrannen på mange, mange år .

– Vi har ein, veldig kortreist beredskap. Vi var i slokking etter ti minuttar, vi gjennomførde evakueringa som politimyndigheit, før politiet var på staden, seier han og meiner direktoratet og direktør Anne Rygh Pedersen brukar storbrannane i vinter for å slå brannvesen saman.

• LES OGSÅ: Politiet: Her startet katastrofebrannen

Ikkje for å lære av det som har skjedd.

– Eg tykkjer den er direkte upassande. Evalueringsrapporten er som venta. Den er eit bestillingsverk frå Rygh Pedersen. Det er dårleg skildring av hendinga i Flatanger, fagleg spinkel og har lita evne å analysere sjølve hendinga, seier han.

Avviser kritikk

Haukø får støtte frå kollega Andreas Kvingedal, brannsjef på Frøya. Han trur ikkje at brannen som herja i over eitt døgn der ville blitt slukka raskare om dei hadde vore større.

– Eg er veldig forbausa over kritikken som har kome. Eg meiner vi gjorde det heilt rett, og eg trur ikkje brannen hadde gått noko annleis om vi hadde hatt felles brannvern eller regionalt brannvern som DSB tydelegvis er ute etter.

(Artikkelen held fram under biletet)

DSB-direktør Pedersen avviser på det sterkaste påstandane frå Haukø og Kvingedal.

• LES OGSÅ: – Storbrannane bør granskast betre
• LES OGSÅ: Riksantikvaren fryktar DSB-kritikk tek motivasjonen frå flinke brannfolk

– Det ville vere veldig spesielt om vi skulle bruke desse katastrofene på nokon måte, seier ho.

Vil redusere

I rapportane tek DSB opp att tråden frå brannstudien som kom i januar, og igjen tek dei til orde for eit større brannvesen. Dei meiner dagens 295 bør bli langt færre, og helst fylkesvise.

Rapportane går også langt i å antyde at brannane i vinter kunne blitt løyst betre med eit større brannvesen - i staden for fleire små.

– Det er ikkje tvil om DSB si haldning. Vi er tydelege på at det behov for større fagmiljø, men vi har gått grundig gjennom alle sider av desse hendingane. Det har resultert i 17 forbetringspunkt som handlar om mykje meir enn berre at det er behov for større organisasjonar, seier Pedersen.

Samstundes er ho klar på at eit større brannvesen kunne gjort ein betre jobb.

– Vi meiner at utfallet truleg kunne vore annleis om innsatsen hadde vore organisert betre på eit tidlegare tidspunkt i brannforløpet, seier ho.