Fredag vert 500-600 sekker med kle pakka og sende austover i Europa, til den vesle byen Jurbarkas i Litauen.
– Dette er stort, seier Ulf Menes i Lionsklubben, som dei siste åra har hatt ei stort engasjement for dei fattige i landet.
- LES OGSÅ:
- LES OGSÅ:
Gjevargleda var større enn behovet
Brannen i Lærdal vekte gjevargleda over heile landet. Den folkelege støtta gjorde godt i ei brannråka bygd, men det vart fort klart at gjevargleda var større enn behovet. Og lageret med klede hopa seg fort opp.
Men det som var i ferd med å bli eit problem for Lærdal kommune, vart ei gåvepakke for Ulf Menes. Dei siste åra har han samla inn klede til fattige på landsbygda i Litauen.
– Me har vore der borte og sett kor dårleg stilt dei er der borte. Litt utanfor byane har folk ingen verdas ting å hjelpa seg med, seier han.
– Har betydd mykje
Det har blitt eit symbol på den folkelege støtta Lærdal fekk etter brannen. Men fredag er kleslageret historie. Då kjem ein trailer frå Litauen for å hente med seg kleda.
Sjølv om det vart store mengder klede til overs, har dei brannråka fått stor hjelp av gåvene som kom inn, seier Anne Kristin Evensen i frivilligsentralen og den som har hatt ansvaret for organiseringa av klesmottaket.
– Det har betydd veldig mykje: Det var mange som fekk glede av dei kleda og tinga me fekk inn. Og samstundes har omtanken som ligg bak varma veldig mange. Det er veldig godt at også andre vil få glede av det, seier ho.
- LES OGSÅ: