NRK Meny
Normal

Brannmannskap fekk kontroll på lyngbrann

Brannmannskap har sløkt lyngbrannen i Førsfjella i Bremanger.

Brann

LYNGBRANN: Det er stor gras- og lyngbrannfare etter fleire tørre og varme dagar.

Foto: NRK-TIPSAR

Ein lyngbrann langt oppe i fjellsida ved Rausgarsvatnet i Førsfjella er no sløkt. Det blir sett ut ei vakt på staden for å passe på at brannen ikkje blussar opp att.

Vinden gjorde arbeidet vanskeleg.

– Brannen er høgt oppe i fjellsida og spreier seg fort på grunn av vinden, seier vaktleiar ved 110-sentralen, Jan Gunnar Holvik.

Mannskap frå fleire brannstasjonar var på staden.

– Det er 15 personar på staden som kjempar for å få kontroll, men dei er optimistiske, seier Holvik.

110-sentralen vurderte fortløpande om det måtte tilkallast fleire folk frå Davik eller Svelgen.

Sentralen opplyste om at var ein person som dreiv med bråtebrann som melde frå.

– Det er bråtebrenning som no har spreidd seg og kommen ut av kontroll.

Det er lokal stor gras- og lyngbrannfare på Vestlandet sør for Stad, og spesielt i ytre strok. På fredag sende Meteorologisk institutt OBS-varsel.

Laster kart, vennligst vent...

BRÅTEBRENNING UTE AV KONTROLL: Brannmannskap i Bremanger kjempar for å få kontroll på ein lyngbrann.

Teaterfestivalen i Fjaler  
Frida Melvær møtte innbygarane dagen derpå
Milliongåve til Redningsselskapet som takk for innsatsen