NRK Meny
Normal

Brannen kosta ein million kroner

Lyngbrannen på Stadlandet har kosta nærare ein million kroner. Utgiftene er det Selje kommune som i første omgang sjølv må betale.

- Det svir for ein kommune som alt slit økonomisk. Vi er i ein vanskeleg økonomisk situasjon, og den vert berre verre om vi ikkje får hjelp, seier ordførar Gunn Helgesen, som sjølv deltok i sløkkingsarbeidet på søndag.

I store deler av området har det vore umogleg å bruke noko anna enn helikopter i sløkkingsarbeidet. Men helikopteret har åleine kosta 750.000 kroner. No er ordføraren i dialog med fylkesmannen i håp om at dei kan ta deler av kostnadane. 

Operativ leiar, Tormod Hvattum, seier helikopteret har vore heilt avgjerande i sløkkingsarbeidet.

- Helikopteret har vore heilt avgjerande fordi det har brunne i eit svært vanskeleg tilgjengeleg område. Vi hadde ikkje hatt ein sjanse utan helikopteret. 

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.