NRK Meny
Normal

Brann på verket i Høyanger

Ingen personar kom til skade i ein brann inne på metallverket i Høyanger søndag morgon.

Brannen vart meldt klokka 04.55 og brannvesenet rykte ut med store mannskap. Også ekstramannskap vart utkalla.

- Ein kort periode såg det ut som om det kunne vere vanskeleg å få kontroll over brannen, fortel operasjonsleiar i Sogn og Fjordane politidistrkt, Stig Inge Hauge.

Brannvesenet fekk kontroll over brannen etter ein halvtimes tid, men då var bygningen påført store brann- og røykskader.

Bygningen har namnet C13 og vert brukt til pauserom. Bygningen ligg i tilknyting til den gamle C-hallen, som no er stengd.

Politiet kjenner førebels ikkje brannårsaka.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.