– Ti på halv ni fekk vi melding om sterk røykutvikling i eit hus i Eid sentrum, seier Espen Rysjedal ved Alarmsentralen.
Politiet melder klokka 08.40 at brannen er sløkt. Ein person er send til sjukehus etter å ha pusta inn røyk.
– Ein ung gut kom seg ut, og han meinte at det ikkje var fleire i huset, seier Rysjedal.
Røykdykkarar vart sende inn for å undersøkje om det var fleire til stades. Det skal ikkje ha vore fare for spreiing.
– Det stod ikkje flammar ut av huset, men det har vore sterk røykutvikling, seier Rysjedal.