Bøtelagde for ekstremt dårleg spøk

Sunnfjordingane hevda det heile var ein spøk. No har dei fått 10.000 kroner kvar i bot for skremmande framferd ved asylmottaket i Førde.

Oddleif Løseth
Journalist

Det var i oktober i fjor at dei to mennene tok på seg finlandshette, og utstyrte seg med ein machete kvar , og reiste til mottaket på Bergum.

Fleire bebuarar vart skremde av den truande framferda til mennene, og varsla politiet.

– Dei har forklart i avhøyr at det var meint som ein spøk, fortalde operasjonsleiar Trond Hatlenes ved Vest politidistrikt i Florø då.

Politiet tykte ikkje det var noko god spøk og bestemte seg for å gje mennene i 20-åra 10.000 kroner i bot.

Ifølgje førelegga hadde machetane knivblad på 40 centimeter. I tillegg til bøtene blir mennene fråtekne både finlandshetter og machetane.

Snart vert FM-bandet sløkt. Framleis er det dårleg DAB-dekning i tunnelar.
Ber Gud om hjelp mot det norske barnevernet
Knut Horvath Maristuen skal passe på at reinen heldt seg på rett side av riksvegen over Hemsedalsfjellet.