Miljøverket har fått varsel om tvangsmulkter i millionklassen fordi dei ikkje har tilfredsstillande ordningar for sortering av matavfall. Men bøtene kjem ikkje til å bli betalte, seier dagleg leiar for Sunnfjord Miljøverk, Håkon Grepstad.
Og for å unngå bøtene vil no alt restavfall, inkludert matavfall, bli frakta i containerar til Møre og Romsdal.
Statens Forureiningstilsyn gav tidlegare i år Fylkesmannen medhald i kravet om tvangsmulkter mot Sunnfjord Miljøverk. Blant anna blir det slått hardt ned på at at miljøverket framleis deponerer våtorganisk avfall - altså mat. Fristen for å slutte med dette er sett til 1. desember.
Dersom ikkje det skjer, er bota 500.000 kroner, i tillegg til dagmulkter på 5000 kroner. Men ved å køyre alt avfallet til Møre, vil miljøverket sleppe unna bøtene.