Medan resten av skiskyttarlaget reiser til Tyskland på tysdag, ventar stryningen med å reise til torsdag for å få med seg sprinten laurdag og fellesstarten søndag.
Etter Oberhof går verdscupsirkuset vidare til Rupholding, Anterselva.
– Eg har mista ein del trening eg skulle hatt. Å ofre løpet, betyr tre dagar meir med mengdetrening. Tre konkurransehelgar på rad tærer på kroppen, seier Bø til Sporten.com.
Manglar fart i sporet
Etter ein dårleg start i Östersund har verdscupvinnaren frå 2011 levert gode løp, men Bø har førebels til gode å hamne på pallen.
I samandraget er han nest best av dei norske med 239 poeng og åttandeplass.
– Eigentleg har eg gjort mykje rett, og eg har skote bra, men det manglar litt fart i sporet som gjer at eg ikkje hamlar opp med dei beste. Håpet er å finne forma og litt meir trykk i beina no på nyåret, seier han til nettstaden.