Forsvaret hadde kalt inn ekstra vitne for å tilbakevise at Standnes blir aggressiv i fylla. Foto Rune Kjær Valberg NRK.
Ein 84 år gamal mann frå Gaular fortalte i lagmannsretten i Bergen i dag om eit innbrot hos dei i 1997. Standnes knuste då både ytterdøra og døra til vindfanget i huset deira.
- Eg veit ikkje kva som gjekk i meg, men eg kasta han ned trappetrinna og ut. Han gjorde motstand, men då vi kom ut roa han seg ned, forklarte 84- åringen.
Han sprang inn igjen for å sjå korleis det gjekk med kona. Då han såg at ho hadde fått kontakt med politiet, gjekk mannen ut igjen for å sjå kvar Standnes hadde teke vegen.
- Då stod han ved eine hushjørnet, og slo handa gjennom eit kjellarvindauge. Men han roa seg, og let meg følgje han nedover vegen, fortalte mannen. Han hadde klart inntrykk av at Standnes var rusa, og han gjorde motstand i byrjinga.
Forvirra
På spørsmål om han verka rasande, sa 84-åringen at han ikkje sa noko, og at han roa seg fort då han først vart kasta ut. Han meiner Standnes var meir forvirra enn aggressiv. Dermed slår vitnet beina under forklaringa politibetjent Englund, som tidlegare i saka sa at dei Standnes gjorde innbrot hjå opplevde han som aggressiv.
- Virka han trugande på deg, spurte Ivar Blikra, som er forsvarar for Standnes.
- Ja, inne i gangen, men eg skubba hardt til han slik at han for ut, svarte 84-åringen.