Det seier distriktsleiar Audun Heggestad i Trygg Trafikk om forbikøyringa på E16 i Nærøydalen fredag.
Til alt hell enda den ikkje i ein frontkollisjon.
– Den ser veldig stygg ut. Det er ikkje noko tvil om at bilen har kort avstand til den som kjem i mot. Ein skal berre vere glad for at det gjekk bra, seier Heggestad.
Venta på smellet
Bilisten, som ynskjer å vere anonym, fortel at han var på sørover då han tok att køen med bilar like etter Gudvangen. Eit dashbordkamera filma forbikøyringa.
- Les også:
Han seier farten var kring 70 km/t då den sølvgrå bilen byrja forbikøyringa før det ein «høvesvis oversiktleg høgresving».
– Forbikøyringa gjekk seint, og eg kan ikkje forstå anna enn at føraren ikkje såg trafikken som kom i mot. Eg var sikker på at det kom til å smelle, seier han.
Stod på bremsa
På videoen ser ein bremselysa frå bilane i køen, medan den sølvgrå bilen så vidt klarer å smette inn att i feltet sitt før den møtande bilen passerer.
– Heldigvis bremsa bil nummer to i køen medan den møtande tyske passaten stogga heilt opp, held bilisten fram. Den tyske bilen med campingvogn vart forbikøyrd seinare.
- Les også:
Om bilisten ikkje såg den møtande bilen, eller feilberekna avstanden, er uvisst. Og på den andre sidan kan ein hevde at turisten fremst i køen burde sleppt forbi køen. Mange lar seg irritere over bilar som køyrer seint og lagar kø.
– Vil ikkje møte slike
Heggestad meiner likevel at det ikkje er noko unnskyldning for å gjere ei slik forbikøyring. Må ein vere framme til eit visst klokkeslett, så bør ein legge ut i god tid.
- Les også:
– Før ei forbikøyring må ein ha skikkeleg sikt, og ein må vite at ein kjem seg forbi innan den sikta ein har, seier han.
– For slike forbikøyringar vil ein ikkje møte. Ikkje minst no i sommartrafikken, held Heggestad fram og legg til at det ofte skjer ulukker på sommaren. Då er trafikken stor, både med norske og utanlandske turistar.