Bil utfor vegen på Utvikfjellet
Ein bil har sklidd ut i grøfta på Utvikfjellet måndag morgon. Det er snø og glatte køyreforhold på fjellet, melder ein NRK-tipsar. Statens vegvesen oppfordrar folk til å bruke vinterdekk når det køyrer over fjellet.
– På fjellovergangane er det snø og snøslaps. Temperaturen ligg på rundt null, så då blir det glatte parti. Folk må ha vinterdekk og ta det med ro, seier trafikkoperatør Ketil Molvær på Vegtrafikksentralen i Lærdal.
