– Det er snakk om ein stein på storleik med ein knyttneve, men vi vil ha entreprenør på stade for å undersøkje om det kan kome ned noko meir, seier operatør på vegtrafikksentralen, Jan Erikstad.
17 minuttar over fem vart vegen opna att etter at entreprenør hadde undersøkt tunnelen.
– Dei har fjerna steinen og noko plast. Det er ikkje fare for at noko meir skal kome ned, seier Erikstad.
Meldinga om uhellet kom like før klokka 17. Vegvesenet vart då kontakta av folk som melde om lange køar, og folk som ikkje respekterte skiltinga.
– Det er visstnok nokre som køyrer på raudt der også, seier Erikstad.
Tunnelen går mellom Jonstad i Naustdal og Svarthumle i Flora, og er nær 6 kilometer lang.