Ein bil har køyrt utfor vegen på E39 i Jølster. På operasjonssentralen til politiet får NRK opplyst at føraren av bilen har kome seg ut, og at han er oppe og går. Bilen har hamna på taket i veggrøfta.
SJÅ VIDEO: Bilen var på veg vestover mot Førde då uhellet skjedde mellom Svidal og Ålhus i Jølster. (FOTO/REDIGERING: ODDLEIF LØSET/NRK)
Føraren i 40-åra er send med ambulanse til Førde sentralsjukehus for kontroll, men ifylgje politiet ser det ut til at han har kome frå det utan alvorlege skadar. Føraren var åleine i bilen, og ingen andre bilar vart involverte i uhellet.
Brannfolk tar seg av trafikkavviklinga på staden, det skal vere passasje for andre bilar, så vegen er ikkje stengd forbi ulukkesstaden.
PÅ TAKET: Bilen vart liggande opp ned i grøfta.
Foto: Oddleif Løset / NRK