To personar berga seg ut av brennande bil

– To personar var i bilen då det plutseleg byrja å brenne, men dei kom seg tilsynelatande uskadde ut, seier ein av politibetjentane på staden, Stian Romslo.

Politiet fekk melding om brannen like over klokka 17. Bilen var overtent då både politi og brannvesen kom fram.

I tillegg til å starte sløkking av bilbrannen, tok brannmannskap til å spyle eit hus som stod nokre meter frå den brennanden bilen.

Like før klokka 17.30 melder Alarmsentralen at dei har fått kontroll på brannen.

– Bilen stod like ved eit hus, men dei har full kontroll på brannen, og det skal ikkje ha vore noko fare for at brannen skulle spreie seg, seier vaktleiar Nina Andal.

– Dei involverte er ikkje formelt avhøyrt enno, så vi veit ikkje kva som var årsak til brannen. Det må gjerast tekniske undersøkingar før vi kan svare på det, seier Romslo.