Betydeleg framgang på Engebø–prosjektet

– På lenger sikt kan det vere viktig at marknaden har ei fornuftig verdivurdering av selskapet. Det kan bidra til god finansiering etter kvart, seier administrerande direktør i Nordic Mining, Ivar S. Fossum.

Før helga steig Nordic Mining-aksjen med 3,64 prosent på ein time etter at selskapet, i ei børsmelding, melde at det var gjort store framsteg på Engebø-prosjektet når det kjem til å kommersialisere rutil. Selskapet har også fått utvida utvinningsløyve for Engebø med ti år frå november 2017.

• LES OGSÅ: Vil tene fire milliardar på gruvedrift
• LES OGSÅ: Her vert aksjonistane nok ein gong fjerna

– Eg er glad på vegner av alle dei som alt har investert i selskapet, og eg er glad for at ei melding om framgang vert teke godt imot av marknaden, seier Fossum.

Han fortel at selskapet akkurat no held på med ein kartleggingstudie som skal legge hovudgrunnlaget for å vurdere oppstart av industriverksemd på Engebø.

• LES OGSÅ: Ny D-dag for Engebø til sommaren
• LES OGSÅ: Lar seg ikkje presse av aksjonistar