Berre 3500 har vitja Astruptunet

Så langt i år har berre 3545 personar løyst billett til Astruptunet i Jølster.

Det er vesentleg mindre enn i fjor, som også var eit dårleg år, skriv Firda Tidend.

Mindre interesse for Astrup

Kunstnaren Nikolai Astrup kjøpte i 1912 eit småbruk på Sandalstrand på sørsida av Jølstravatnet. I dag er det såkalla Astruptunet eit museum.

• Les meir om Nikolai Astrup i Fylkesleksikonet

Men no viser det seg at interessa for å vitje heimen til den verdskjende kunstnaren blir mindre og mindre.

• LES OGSÅ: Jølster seier nei til Astrup

Nedgang på 400 frå i fjor

Ifølgje Firda Tidend kan årets sommarsesong vere den dårlegaste for Astruptunet sidan det vart opna.

• LES OGSÅ: Færre besøker musea i fylket

– Slik det ser ut no, vil nedgangen for heile året under eitt bli på kring 400 personar i forhold til i fjor. Då enda besøket på 4075, fortel avdelingsleiar Solveig Berg Lofnes i Sogn og Fjordane Kunstmuseum til avisa.