Gillie i kattepine i to dagar - dramatisk bergingsaksjon

Mange gode hjelparar gjekk saman då katten til Anette Midthjell Sørland vart funnen og berga etter å ha vore sakna i to dagar.

Kattedrama Nordfjordeid

DET ENDA GODT: Frå v. politibetjentane Hanne Heggen og Marie Ingeborg Espe, bergingsmannen Jon Inge Holmgren frå Eid Motor, katteeigaqr Anette Midthjell Sørland og psykolog Mary Ann Refseth.

Foto: Harald Kolseth / NRK

Gillie, som katten heiter, hadde ikkje vore å sjå på dagevis. I dag vart det oppdaga at det sat eit lite dyr inne i motorrommet på ein bil som var parkert rett utanfor NRK-kontoret på Nordfjordeid.

– Katten har hamna inne i motoren på bilen til Liv Lyng. Det er uråd å få tak i han, så difor må vi ha bergingsbil og løfte bilen opp, så vi kan ta han ut underfrå, seier Anette Midthjell Sørland til NRK-reporteren med svært kort utrykkingsveg.

I tillegg til ein bergingsbil operert av Jon Inge Holmgren var to politibetejntar og ein psykolog involverte i dette kattedramaet, som enda godt. Men det var ikkje berre enkelt å få Gillie ut frå gøymestaden.

Høyr radioreportasjen om korleis det gjekk til.

Anette Midthjell Sørland med Gillie

VARM VELKOMST: Anette Midthjell Sørland var svært glad for at Gillie kom velberga frå

Foto: Harald Kolseth / NRK
Regjeringa vil ha større konkurranse i landbruket, men bøndene på Vestlandet er skeptiske.
Atle Steinar Solheim vart overraska med nyheita om at han er ein av fem nominerte
Over 80 barn var samla på Jølstraholmen for å tjuvstarte adventstida med pynting av pepperkakehus.