Denne gang kom hytteeigarane for seint til hytta

I helga fann dei for andre gang ei ugle i peisen på hytta si. Den første, for snart fire år sidan, var i live.

• Les også: Sjå kven som forvilla seg ned pipa

– Då trudde vi at det var ein eingongstilfelle. Det var det altså ikkje. No kom vi diverre for seint. Ugla var død, seier Ann-Karin Oldeide.

– No må vi gjere noko

Ironisk nok diskuterte Ann-Karin og ektemannen Stig det førre uglefunnet då dei skimta noko i peisen.

• Les også: Men «kviten» var ikkje noko snøball

I løpet av dei siste 14 dagane har ei kattugle teke seg ned pipa. Her har den nok kjempa ein lang og hard kamp for å finne vegen ut att. Også andre hytteeigarar i området har fått ugler i peisen.

• Les også: Uglepar fekk ungar i pipa

– Det er veldig trist. Ugler er fine og flotte, så det var trasig å oppleve at det låg nok ei ugle der. No er vi nøydde til å gjere noko for å hindre at fleire ugler tek turen ned pipa, seier Oldeide.

Kjem seg ikkje ut

Fagsjef Ingar Jostein Øien ved Norsk Ornitologisk Forening fortel at det ikkje er noko ukjent fenomen med at ugler tek turen ned piper.

Han kan difor tilby eitt godt – og effektivt – råd til dei som har problem med fuglar i peisen.

• Les også: Lars (14) skulle berre kappspringe heim mot mamma - vart angripen av ugle

– Legg eitt gitter, netting eller rist på toppen av pipa. Då unngår du at dei kjem seg ned, seier han.

Øien seier ugler hekkar i hole rom, tre og fuglekassar. Dei søkjer også ly eller overnatting i godt eigna husrom. Slik som til dømes piper.

– Uglene veit å finne vegen ut att, men problemet er ofte glatte røykrøyr slik at dei likevel ikkje kjem seg ut, seier han.