– Vi meiner at dette ikkje er eit oppdrag som naturleg ligg til vårt brannmannskap å gjere, seier rådmann Arve Varden.
1. august i år kom det melding om knivstikking i Høyanger. Det var brannvernet i Høyanger som var først på staden og utrykkinga kosta kommunen rundt 16 000 kroner.
– Vi ber no politiet dekke rekninga som vi har fått i forhold til vårt brannmannskap, seier Varden.
- Les også:
I førre veke vart rekninga sendt til politiet og Varden fortel at kommunen no ventar på svar.
Visepolitimeister Ronny Iden har førebels ikkje fått lese brevet frå Høyanger, og ynskjer ikkje å kommentere saka ut over det han har sagt tidlegare.
– Eg registrerer at dei har sendt brevet, no får vi først handsame den før vi kommenterer det noko nærare, seier Iden.
