NRK Meny
Normal

Ber politiet ta rekninga

Høyanger kommune ventar no på svar på om politiet vil dekke utrykkingskostnadane i samband med knivstikkinga i Høyanger tidleg i august.

Sender rekning til politiet

VENTAR PÅ SVAR: Rådmann i Høyanger, Arve Varden vil ikkje rekninga for at Politiet mangla betjentar i området slik at brannvesenet måtte rykke ut til knivstikking.

Foto: MONTASJE: Arve Ullebø/Arne Stubhaug Arve Ullebo / NRK

– Vi meiner at dette ikkje er eit oppdrag som naturleg ligg til vårt brannmannskap å gjere, seier rådmann Arve Varden.

1. august i år kom det melding om knivstikking i Høyanger. Det var brannvernet i Høyanger som var først på staden og utrykkinga kosta kommunen rundt 16 000 kroner.

– Vi ber no politiet dekke rekninga som vi har fått i forhold til vårt brannmannskap, seier Varden.

I førre veke vart rekninga sendt til politiet og Varden fortel at kommunen no ventar på svar.

Visepolitimeister Ronny Iden har førebels ikkje fått lese brevet frå Høyanger, og ynskjer ikkje å kommentere saka ut over det han har sagt tidlegare.

– Eg registrerer at dei har sendt brevet, no får vi først handsame den før vi kommenterer det noko nærare, seier Iden.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.