Bedrifta Sognefrukt held til i lokala til det gamle fruktlageret, lengst vest for Leikanger sentrum. Politiet veit førebels ikkje om noko er stole.
– Det er eit stort bygg, og vi har ikkje full oversikt førebels. Men det har vore folk inne i bygget, seier innsatsleiar Svein Inge Harberg til NRK.
Den lokale politipatruljen fekk melding frå operasjonssentralen om å reise til Leikanger rundt klokka 11 i føremiddag.
– Innbrotet kan ha skjedd i natt eller i føremiddag, det er litt uvisst, seier Harberg.
Dagleg leiar for Sognefrukt, Jens Terje Hammervoll, seier til NRK at det var ein kollega av han som oppdaga innbrotet.
– Vi har utleige av lagerareal til fleire, men førebels kan det sjå ut som at det er mest hærverk. Men vi oppmodar folk om å gje beskjed til politiet om dei har sett noko, seier Hammervoll til NRK.
Politiet tek imot tips på 02800