– Vi ønskjer raskast mogleg å setje oss ned med den nye politiske leiinga i Miljøverndepartementet for å sikre oss at løfta som kom før valet blir følgde opp, seier Eid-ordførar Alfred Bjørlo (V) til NRK.no.
Høgre og Framstegspartiet har sagt at dei vil mjuke opp reglane for motorisert ferdsel i utmark, og gjere det opp til kommunane å bestemme.
I Eid fryktar Bjørlo at ei avgjerd om catskiing ved Harpefossen skisenter skal dra ut i tid.
– Det er politisk støtte til dette, så det handlar eigentleg berre om å få formalitetane i orden, seier ordføraren.
- LES OGSÅ:
Frakta til topps med tråkkemaskin
Catskiiing vert ofte omtala som ei kanadisk "oppfinning", og det går ut på å bli køyrt ut i skogen eller høgt opp på fjellet med tråkkemaskin, for så å køyre uspora pudder ned att. Namnet kjem av at trakkemaskin rett og slett vert kalla snowcat på engelsk.
I Eid har kommunen gitt skisenteret på Harpefossen løyve til å ta del i ei ny nasjonal prøveordning med motorferdsel i utmark. Ei prøveordning som vart tillyst av den raudgrøne regjeringa.
- LES OGSÅ:
- LES OGSÅ:
(Artikkelen held fram under biletet)
Ventar framleis på grønt lys
No ligg alt til rette på skisenteret for å starte opp med catskiing allereie vintersesongen 2013/2014.
Men dei ventar framleis på grønt lyst frå miljøvernministeren.
– Dette bør vere ei kurant sak å få på plass, men vi fryktar det kan dra ut i tid og at vi då mister ein vintersesong med det som kan bli den nye store vinterattraksjonen Sogn og Fjordane kan tilby, seier Bjørlo.
– Unikt i Norge
Han meiner catskiing kan lokke mange ivrige skikøyrarar til området.
– Catski på Harpefossen kan bli eit nytt opplevingsbasert reiselivstilbod som er unikt i Norge og set Sogn og Fjordane på verdskartet som vinterdestinasjon, seier ordføraren.
Venstre-ordføraren håpar at klarsignalet er på plass i løpet av november-desember.
– Alt som manglar er at den nye regjeringa gir løyvet som er nødvendig for å starte tilbodet den komande sesongen.