– Eg håpar først og fremst ungdommen i fylket som søker utdanning er glad for vi gjer det vi gjer, og at dei ser at vi prioriterer ungdommen så sterkt som vi gjer, seier Norvall Nøringset (SV), som er leiar for Hovudtuvalet for opplæring.
160 færre søkjarar til vidaregåande enn i fjor, har gitt fylkespolitikarane ei hard nøtt. I dag måtte Opplæringsutvalet ta stilling til reduksjon i studietilbodet. Til saman 11 klassar rundt om fylket var føreslått kutta frå hausten av.
- Les også:
- Les også:
– Vi har rett og slett for få søkjarar til å kunne fylle opp dei linjene vi hadde tenkt å tilby, sa fylkesdirektør for opplæring, Bekka Skaasheim til NRK tidlegare denne veka.
Utsiktene til kutt innan bygg- og anlegg fekk næringslivet fleire stader til å engasjere seg sterkt for fleire yrkesretta liner.
- Les også:
Stor spenning
I forkant av møtet i dag var mange spente. I Florø frykta byggfagelevane for framtida til si linje.
– Vi har behov for lærlingar og vi treng alle vi kan få her i Florø. Vi har ei stor byggenæring, seier Guro Drægelid.
Ho er snart ferdig med det første året på byggfag som, og skal no velje spesialisering. Målet er å bli røyrleggjar. Men frykta å ende som tømrar eller forskalingssnikkar dersom mange liner blei lagt ned.
Klassar får leve
Men etter møtet onsdag er bygg- og anlegg i Sogndal, Flora og Måløy, date i Eid og transport i Stryn på plass igjen
– Eg er glad for at vi er i stand til å gjere dette. Hugs på at det er mange næringar som skrik etter ungdom som tar utdanning. No håpar eg at ungdommen tar desse plassane, for her er læreplassar i massevis, seier Nøringset.
Nøringset er glad for at kutta blir lang mindre. Han legg vekt på at ein held seg innanfor det opphavlege budsjettet.
– Det er heilt klart at vi vil få ein del klassar eller grupper med færre elevar enn det vi skulle ynskje på fleire av desse fagområda, men vi har fått ei fullmakt til å gå under minimumsgrensene som vart sett tidlegare, så lenge vi held oss innanfor eige budsjett.