Langlo vart meld sakna etter at
.Namnet blir frigjeve i samråd med familie til avdøde, opplyser Vest politidistrikt i ei pressemelding.
Saka blir etterforska ved Gloppen lensmannskontor som ei sjøfartsulukke. I alt fire menn var om bord då ulukka skjedde.
– Veldig grov sjø
Politioverbetjent Nils Ove Roset i Gloppen seier at dei fire var på veg tilbake til Sandane etter ein fisketur i Hyefjorden. Då dei runda Hestenesøyra og skulle inn Gloppefjorden vart dei råka av veldig grov sjø.
Båten gjekk ned kring 150 meter frå land.
– Det kom vatn inn i båten både framme og bakfrå. Motoren stoppa då båten blei fylt av vatn, og dei hadde ikkje anna å gjere enn å hoppe på fjorden og prøve å komme seg i land.
Ifølgje Roset hadde ikkje dei fire om bord redningsvest på seg.
Utskrivne frå sjukehus
Ein større redningsaksjon vart sett i gang i den 12 kilometer lange fjorden. Det vart søkt over eit stort område frå lufta, på fjorden og land.
Like før klokka 02 søndag fann ein miniubåt den fjerde og siste personen ikkje så langt frå området der båten kantra.
Dei tre som berga seg på land vart sendt til sjukehuset på Nordfjordeid. To menn i 30-åra vart lagt inn med lettare fysiske skader. Begge vart utskrivne søndag.
Det er ikkje mistanke om promille.
– Vi har avhøyrt dei tre som kom i land og fått vite kor fortvila situasjonen var. Det er sjølvsagt medtekne og prega av at dei har mista ein kamerat, seier Roset.
Båten ligg på botn i fjorden, men ingen veit eksakt kvar den ligg. Det blir ikkje gjort nokon forsøk på å finne og eventuelt heve båten.
– Slik saka står no, blir det ikkje gjort forsøk på det, seier Roset.
– Lokalsamfunnet er prega
Ordførar Leidulf Gloppestad seier ulukka pregar lokalsamfunnet.
– Det er ein liten stad og ei stor tragedie for dei involverte, seier han.
– Mange fekk med seg apparatet som var i sving og aktiviteten på fjorden, men det er dei pårørande som har fullt fokus, sa han søndag.
Kommunen sette krisestab med det same dei vart varsla om ulukka laurdag kveld.