Det er avisa Dagen som tysdag melder at barnevernssaka no er klaga inn for EMD.
RELIGIØSE FORDOMMAR: Advokat Roger Kista ved Christian Legal Centre i London seier til avisa Dagen at saka er gjennomsyra av religiøse og kulturelle fordommar.
Foto: Rowan GillsonRoger Kiska, som er advokaten til familien, hevdar barna blei fjerna frå foreldra av tre grunnar – ein uttalt og to implisitte. Dei implisitte er den pinsekristne trua til familien og farens rumenske opphav. Den eksplisitte er «ugrunna skuldingar om fysisk mishandling».
Utgangspunktet for klaga er at ein meiner norske styresmakter har krenka retten til familieliv i artikkel 8 i Den europeiske menneskerettskonvensjonen, skriv avisa.
Naustdal-saka er ei av åtte saker om norsk barnevern som skal opp for domstolen i Strasbourg.
Har vekt stort engasjement
Barnevernssaka vekte stor merksemd i Norge og utlandet. I fleire byar over heile verda blei det demonstrert mot det norske barnevernet.
Etter ein lang prosess blei barna ført tilbake til familien, og i fjor sommar tok det norsk-rumenske foreldreparet borna sine med seg til Romania. Like før skulestart kom beskjeden om at barna og familien vart buande i Romania.
- LES OGSÅ:
- LES OGSÅ:
Rettssaka i Norge er utsett
MØTTE IKKJE: Då saka mot foreldra skulle opp i Fjordane tingrett, blei aktor Sissel Kleiven og forsvararane Ingrid Breistein og Ragnhild Torgersen sittande mellom tomme stolar.
Foto: Odd Helge Brugrand / NRKSaka skulle opp i Fjordane tingrett 3. januar, men blei utsett då paret ikkje møtte opp. Tingretten slo fast at ekteparet ikkje har lovleg forfall frå rettssaka og vil finne ein ny dato.
Dersom det norsk-rumenske ekteparet ikkje møter til neste rettssak, kan Norge be Romania utlevere dei. Paret kan då bli varetektsfengsla mens dei ventar på at saka kjem opp.
