Det skriv banksjef i Sparebanken Sogn og Fjordane, Arve Sandal, på bloggen sin.
Onsdag etterlyste han Jens Stoltenberg. Sandal meinte statsministeren burde ta seg ein tur får å sjå alle herjingane etter orkanen Dagmar 1. juledag og for å setje mot i alle dei som opplevde naturkatastrofen.
– Jens Stoltenberg burde gjere som kong Harald gjorde etter nyttårsorkanen i '92 – spenne på seg støvlane og komme seg til Vestlandet.
– Treng fellesskapen
Sandal meiner at folk i vest er vane med tøffe tak og er flinke til å finne kreative løysingar når naturen slår seg vrang.
– Men kreftene som var i sving i jula, rokkar ved tryggleiken. Då treng vi krafta som den nasjonale fellesskapen gir.
- LES OGSÅ:
- LES OGSÅ:
Frykta vi skulle bli gløymde
Etter først å ha sagt nei til å komme til dei orkanherja fylka, så ombestemte Stoltenberg seg. Etter nyttår blir det tur til Vestlandet, noko Sandal er glad for.
– Eg var lenge redd at vi skulle oppleve det same som under gasseksplosjonen i Gulen. Då blei ein liten kommune og eit hardt prøva folk i stor grad overlate til seg sjølv og nærast gjort til kasteball mellom ulike fagetatar.
Tidlegare i dag har samferdsleminister Magnhild Meltveit Kleppa og kommunalminister Liv Signe Navarsete vore på besøk i Nordfjord for å sjå på øydeleggingane.
- LES OGSÅ: