NRK Meny
Normal

Bakke vil tilbake til røtene

Sogndal tek ferie med 0–3 i bagasjen mot Rosenborg. Ferien skal dei bruka på å finna att sin eigen spelestil.

Eliteserien fotball 2017: Sogndal - Rosenborg.

FERIE RETT OVER STREKEN: Trenar Eirik Bakke og resten av Sogndal tek ferie med 20 poeng og ein 11.plass på tabellen. Om resten av resultata i runden går i disfavør Sogndal, kan dei bli liggjande på kvalifiseringsplass i ferien.

Foto: Christian Blom / NTB scanpix

– Me skal prøva å finna att oss sjølv. Det blir godt å pusta litt, og ikkje leva frå veka til veka med forskjellige kampplanar, seier sogndaltrenar Eirik Bakke til NRK etter kampen.

Laster innhold, vennligst vent..

Tilbake til 4-4-2

Det vart, som for tre veker sidan , 3-0-tap mot Rosenborg. Kampen opna jamspelt, men halvtimen ut i første omgang fann Milan Jevtovic vegen til nettmaskene for bortelaget. I andre omgang opna Rosenborg best, men i det Sogndal var på veg inn att i kampen, scora Fredrik Midtsjø for trønderane: 2-0.

– I det me skal endra formasjon til 4-4-2, får dei 2–0. Då blir det tungt for oss, seier Bakke.

Midtvegs i andre omgang fastsette Matthías Vilhjálmsson resultatet til 3–0.

Eliteserien fotball 2017: Sogndal - Rosenborg.

2-0: Rosenborgs Fredrik Midtsjø har nett scora 2-0-målet.

Foto: Christian Blom / NTB scanpix

Bakke ønskjer eigentleg at dei skal spela i ein 4-4-2-formasjon. På grunn av alle skadane dei har fått i vår, har dei brukt andre formasjonar for å «få det beste ut av gruppa», slik Bakke seier det. No skal Sogndal bruka ferien, etter først å ta nokre dagar fri, på å finna tilbake til favorittformasjonen.

– Å spela 4-4-2, pressa meir og jaga meir, det er noko me skal jobba med. Men då må me nok forsterka oss i eit par posisjonar, seier Bakke.

– Kva treng de?

– No må eg få pusta litt, og så må me sjå kva posisjonar me treng å forsterka.

Framleis ingen Hovland

Even Hovland

INGEN AVKLARING: Even Hovland har enno ikkje funne seg ny arbeidsgivar.

Foto: Sondre Dalaker / NRK

Bakke sa fredag at dei er på prekær midtstopparjakt , då Kjetil Wæhler mest truleg er blir verande att i Oslo etter ferien, og det er knytt stor uvisse til om Espen Næss Lund blir med vidare etter ferien.

I sagaen om Even Hovland var det heller ingenting nytt å melda laurdag. Vaimingen har trent med Sogndal dei siste vekene, men den klubblause landslagsspelaren har enno ikkje bestemt seg for om han vil takka ja til Sogndal sitt kontrakttilbod.

– Even er førstevalet. Men om ikkje han vil, må me finna nokon andre, sa Bakke fredag.

Laster innhold, vennligst vent..
Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.