Sjå korleis dei kosa seg i den fantastiske solnedgangen

Strendene langs kysten og fjordane har vore tett befolka den siste veka, og Refviksanden i Vågsøy er ikkje noko unntak.

Seint i går kveld var det framleis om lag 100 badande på stranda - og alle venta på det same. Ein heilt magisk solnedgang.

– Eg er her fordi eg har lyst å bade å få med meg solnedgangen. Eg kan ikkje hugse sist eg har bada så seint, fortel Amalie Apneset og smiler.

• Kva er den finaste stranda i Sogn og Fjordane - delta i debatten her!

Saman med venninnene Amanda Myre og Teodora Flåten Refsnes har dei vore på Refviksanden kvar dag den siste veka, jamvel fleire gonger kvar dag.

– Det var veldig deilig å bade, og vi håpar at dette veret held seg lenge. Dette er jo nesten som å reise ned til syden, meiner jentene.

• Kva gjer du på i det fantastiske sommarvêret? Klikk her og del dine fotominne med oss!