Aurlandsdalen mellom 52 DNT-perler

Den Norske Turistforening – DNT – har i dag lansert ein sommarturkatalog med 52 utvalde turar i heile landet.

Utsikt over Aurlandsdalen.

UTSYN OVER AURLANDSDALEN: Ein av turane i katalogen er gjennom Aurlandsdalen.

Foto: André Marton Pedersen

Det kan sikkert vere mange meiningar om kva som er dei finaste turane i landet. Turentusiastar i Sogn og Fjordane vil nok hevde at det er fleire turar her som burde ha vore med i ein slik katalog.

Men den tradisjonsrike turen gjennom Aurlandsdalen er med. Det same er ein tur gjennom Stølsheimen, og som endar i Ortnevik. Vi finn og ein tur i Breheimen med topptur og sykkeletappe, og ein tur over Jostedalsbreen.

– Her snakkar vi om 52 flotte fellesturar med turleiar for små og store, nybyrjarar og gamle travarar, kajakkpadlarar, barnefamiliar og for alle som vil samle nye turopplevingar i gamle fotefar, seier generalsekretær i DNT, Nils Øveraas.

Trendy som aldri før

Og friluftsliv er trendy som aldri før. I fjor auka talet på overnattingar i DNT-hyttene med 11.000 (2,7 prosent) frå 2014.

– Det er gledeleg, ikkje berre for DNT, men for alle som tek del i gledene med friluftsliv, og for folkehelsa, seier Øveraas.

Vatnane Stølsgrenden på Vatnane med Einebærfjellet bak

STØLSHEIMEN: Frå stølen Vatnane i Stølsheimen.

Foto: Svein Ulvund / Bergen Turlag
Øya Bremangerlandet vil vere utan veg til fastlandet fram til neste veke.
For han som var sekundar frå å bli treft av steinblokkene, var det ei skremmande oppleving.
Over 3000 asylsøkjarar har forsvunne siste året.
  
Heile villreinstammen på Nordfjella, nær 2000 dyr, bør utryddast snarast råd. Det meiner forskarar etter at det i fjor blei påvist skrantesjuke. 
I dag møttes forskarar, politikararar og forvaltninga, for å diskutere den vidare kampen mot smitta.