– Vi stiller så lenge dei har behov for oss

Borna til det omkomne ekteparet blir tett følgde opp av kriseteamet i Luster.

Måndag kom også besteforeldre til dei to åtte og ti år gamle gutane til bygda.

• LES OGSÅ: – Borna såg ikkje dødsulukka

– Ting har roa seg for alle partar. Vi har folk frå kriseteamet som tek han om borna og følgjer dei opp ved behov for informasjon og hjelp, seier fungerande kommuneoverlege, og leiar av kriseteamet, Truls Rogstad.

Stiller så lenge det er behov

Etter planen returnerer gutane og besteforeldra til Tyskland på torsdag.

• LES OGSÅ: – Det er ei stor blokk som kan dette ned og skape nærmast ei flodbølgje i elva

– Vi stiller så lenge dei er her. Det er ulike praktiske ting dei treng hjelp til, og har dei behov for å snakke, sjå staden eller andre ting så tek vi det ut frå kva dei føler for, seier Rogstad.

• LES OGSÅ: – Å stå framme ved brekanten er russisk rulett

Det tyske ekteparet i 30-åra omkom då dei gjekk innanfor sperringa og kom for nær breen . Ei stor isblokk losna og trefte paret.

Åtte avhøyr

Fungerande regionlensmann i Sogn, Norvald Ylvisåker, seier dei har avhøyrt sju-åtte personar etter den tragiske ulukka.

• LES OGSÅ: Opplevde tre dødsulukker ved breen på ei veke - no kjem minna tilbake

Han ynskjer ikkje å gå i detalj på kva vitna, mellom desse dei to borna, har fortalt.

– No må vi vurdere om det er fleire vitne og om det er noko med åstaden som vi må sjekke ut nærare, seier han.