Årdøl vann 2,7 millionar i lotto - no blir det ny bil og sydentur

– No skal eg kjøpa meg ny bil, seier årdølen til Norsk Tipping.

• LES OGSÅ: To kompisar frå Sogn og Fjordane vann over 32 millionar kroner i Vikinglotto

Mannen sjekka kupongen sin etter at Norsk Tipping forsøkte å ringa han laurdag kveld.

Då dei fekk tak i han søndag føremiddag, var han klar som eit egg.

– Eg har venta på denne telefonen i dag. Det har blitt lite søvn i natt. Etter at eg seint i går kveld fann ut at eg hadde vunne, så vart eg liggjande og tenkja på kva me skulle bruka pengane på, seier han lattermildt.

• LES OGSÅ: Sogning vann 11,7 millionar kroner

Noko av det første han skal gjera er å byta ut bilen sin.

– Den me har er ein 2012-modell, men bagasjerommet blir litt lite når me skal på sydentur. Og det blir nok ein eller to turar til sydlegare strøk for desse pengane, seier den nybakte lottomillionæren.

Det var i alt fire heldige som laurdag kveld fekk ein fin sum pengar inn på konto. I tillegg til årdølen vart ein dame frå Sør-Trøndelag, ein mann frå Buskerud og ein mann frå Akershus ganske mykje rikare laurdag kveld.

• LES OGSÅ: Heldig vinnar oppdaga Lotto-premien i nett-banken