Årdal er kommunen der Stoltenberg har sterkast støtte i heile landet. Og dei 600 i den stappfulle salen fekk det dei ville høyre.
– Vi skal vere garantisten for at vi skal gjere alt vi kan for å sikre sterke, solide og varige industriarbeidsplassar i Årdal og Høyanger, sa AP-leiaren, til stormande applaus.
Harselas
Stoltenberg harselerte mellom anna med løyvinga i revidert statsbudsjett på 5 millionar kroner til omstillingar i Årdal, Høyanger og Flora.
– Stein Erik Hagen åleine får 10 millionar i mindre formueskatt. Årdal, Høyanger og Flora får halvparten av det Hagen får i skattelette på deling, slo AP-toppen fast.