Eit fleirtal i kommunestyret i Gulen vedtok i ettermiddag å anke vedtaket frå NVE om å tillate vindkraftutbygging på Dalsbottenfjellet. Dermed blir det opp til olje- og energidepartementet å avgjere den djupe kraftstriden i kystkommunen.
NVE gjekk imot kommunestyret sitt fleirtalsvedtak om å tillate bygging av vindmøller på fjellet, noko ordførar Hallvard Oppedal (Sp) har reagert sterkt på.
No trur han ei ny regjering vil sørge for at det er lokalpolitikarane si røyst som vil vere avgjerande. Ikkje røysta frå det statlege energidirektoratet.
LES OGSÅ:
LES OGSÅ:
Trur regjeringa ordnar
– Eg trur vi vinn fram. Det er nye kostar i regjeringa no, og Framstegspartiet seier jo at dei skal leggje større vekt på lokaldemokrati enn det som har vore gjort til no. Eg regnar med at det blir ordna der, sler Oppedal fast.
I kommunestyremøtet i dag gjekk fire av Høgre sine representantar imot å sende anke på vedtaket frå NVE. Grunngjevinga deira er frykt for at det planlagde vindkraftprosjektet på fjellet Brosviksåta også då vil bli råka.
LES OGSÅ:
Fryktar konsekvensane
I Gulen er det delte meiningar om dei ulike vindkraftprosjekta, og talsmann Leiv Henriksbø for kampanjen mot Brosviksåta, seier vindturbinane vil bli så dominerande at dei fryktar det vil gå ut over reiselivet i området.
– Vi vil jo helst få vekk heile anlegget. Desse vindmøllene blir godt synlege i kystområdet. Vi meiner ei utbygging på Brosviksåta vil vere uheldig uheldig for reiselivssatsinga i kommunen.