NRK Meny
Normal

Alvorleg skadd etter arbeidsulukke

Ein mann i 20-åra vart alvorleg skadd under ei ulukke på Hydro sitt anlegg på Årdalstangen i natt.

Årdalstangen med Årdal Karbon

UKJEND ÅRSAK: Hydro kan førebels ikkje seie noko om årsaka til ulukka.

Foto: Kjell Arvid Stølen

Mannen vart frakta med luftambulanse til Haukeland universitetssjukehus i Bergen i natt, og klokka 07.00 torsdag morgon melder Helse Bergen at tilstanden til den skadde er alvorleg.

Ulukka skal ha skjedd litt før klokka 02.00, natt til torsdag på karbonanlegget til Hydro på Årdalstangen i Sogn og Fjordane.

Informasjonssjef Halvor Molland i Hydro seier det er snakk om ein klemskade, men at dei førebels ikkje kan seie noko om korleis ulukka skjedde.

Arbeidstilsynet er varsla om saka og vil ta turen innover for sjå kva som har skjedd i løpet av torsdagen.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.