Ein mann i 40-åra fekk skader i ansiktet og hovudet då han fekk eit tre over seg under arbeid i skogen.
Mannen vart sendt med luftambulanse til Haukeland Universitetsjukehus. Sjukehuset opplyser søndag føremiddag at tilstanden er alvorleg, men stabil, og at mannen er på operasjonsbordet.
Mannen skal ha ramla ned ein bratt bakke medan han dreiv med trefelling. Han vart funnen ved ei sjøbod i enden av bakken.
Ulukka skjedde ved Brandsøy i Flora i halv eitt-tida laurdag.
