- LES ALT OM: Tankeksplosjonen i Sløvåg
Siste avfallsrestane etter Vest-Tank ulukka blei fjerna frå Sløvåg onsdag kveld. Eit skip tok med seg avfallet, som no blir frakta til Tyskland.
Utsett fjerninga fleire gonger
Avfallet vert destruert på anlegget til Ölrecycling GmbH i Bremerhaven, Tyskland.
- LES OGSÅ:
Fjerninga har vore utsett fleire gonger, og siste tida har kulda sett ein effektiv stoppar for oppryddingsarbeidet.
Klima- og Forureiningsdirektoratet har gjeve tillatelse til at fartøyet kan reise frå Sløvåg etter bedrifta si eiga vurdering. Direktoratet vil ha ein kontroll av anlegget førstkommande fredag.
- LES OGSÅ:
Vanskeleg arbeid
- Arbeidet med å fjerne avfallet har vore mykje vanskelegare enn det vi først trudde, seier administrerande direktør Håkon Ivarson i Alexela Sløvåg.
Han seier at det kalde vêret har ført til utfordringar. I tillegg har dei slite med å få tømt tankane skikkeleg.
- LES OGSÅ:
Godt samarbeid
Ivarson rosar dei tilsette som har utført arbeidet med tømminga. Han er også nøgd med samarbeidet dei har hatt med myndigheitene i saka.
- Vi har hatt eit godt samarbeid med forureiningsmyndigheitene undervegs i prosessen, meiner han.
Tilset fleire
No kan Alexela få løyve til å drive tankanlegget som oljeterminal frå klima og forureiningsdirektoratet. Deretter må Gulen kommune gje tillatelse til drift.
Når drifta vert sett i gong vil Alexela auke bemanninga si frå åtte tilsette til 25.
- Vårt mål er å gjere oljeterminalen til ei trygg og lønsam bedrift, seier Ivarson.
- LES ALT OM: Trafigura og Sløvåg-eksplosjonen