Synnøve Aasland er frå Førde og er fødd i 1977. Ho har vore tilsett i NRK Sogn og Fjordane sidan mai 2005, men var og innom redaksjonen som sommarvikar i 2004.
Synnøve har jobba som reporter for både radio og tv, i tillegg til at ho har vore vaktsjef. Synnøve er i permisjon frå mars 2008 - mars 2009.
Synnøve har studert sosialantropologi, historie og medievitskap ved Universitetet i Bergen. Ho har skrive hovudoppgåve i sosialantropologi om Kina og den kinesiske ungdomseliten.
Synnøve har vore aktiv i Studentersamfunnet i Bergen i fleire år, mellom anna som nestleiar og som debattarrangør. Ho har og vore aktiv i fagutvalet og jobba for Utdanningsavdelinga til UiB.
Synnøve er glad i å reise, og trivast spesielt godt i Asia. I 1997 var ho eitt år i Taiwan for organisasjonen ICYE, der ho jobba i ein menneskerettsorganisasjon.